Thread: MeHaR,s CoLlEcTiOn,s PoEtRy (SoMe My OwN)

dard kii baarish sahii maddham zaraa aahistaa chal
dil kii miTTii hai abhii tak nam zaraa aahistaa chal

tere milane aur phir tere bichhar jaane ke biich
faasalaa rusvaaii kaa hai kam zaraa aahistaa chal

apane dil hii mein nahiin hai us kii maharuumii kii yaad
us kii aankhon mein bhii hai shabanam zaraa aahistaa chal

koii bhii ho ham-safar 'Raashid' na ho Khush is qadar
ab ke logon mein vafaa hai kam zaraa aahistaa chal

Mujh ko ik hamdam mila tha,ik safar ki raat main
Main bohat baykhud hoa tha,ik safar ki raat main

jany kis ki yaad thi k ik manzar dekh kar
toot kar main roo para tha!ik safar ki raat main

Woh k jis sayy umar bhar ki Doryian mansoob hain
Mery seenay sy laga tha ik safar ki raat main

Har taraf phaily hoye thy yaad-e-gham k silsilay
Kitna mushkil raasta tha, ik safar ki raat main

ghar sy bahar paon rakhty hi Laraz uth-ta hai Dil
Hadsa aisa hoa tha Ik safar ki raat main

Aaj bhi Gungunata hon usy tanhai main
Geet jo humny suna tha Ik safar ki raat main

aap bevajah pareshaan sii kyon hain maadaam
log kahate hain to phir thiik hii kahate hon ge
mere ehabaab ne tahaziib na siikhii hogii
mere maahaul mein insaan na rahate hoge


nuur-e-saramaayaa se hai ruu-e-tamaddun kii jilaa
ham jahan hain vahan tahaziib nahiin pal sakatii
mufalisii hiss-e-lataafat ko mitaa detii hai
bhuuk aadaab ke sanche mein nahiin Dhal sakatii


log kahate hain to logon pe t’ajjub kaisaa
sach to kahate hain ki naadaaron kii izzat kaisii
log kahate hain – magar aap abhii tak chup hain
aap bhii kahiye Gariibon men sharaafat kaisii


nek maadaam! Bahut jald vo daur aayegaa
jab hamen ziist ke adavaar parakhane hon ge
apanii zillat kii qasam, aap kii azamat kii qasam
hamako taa’ziim ke me_aar parakhane hon ge


hamane har daur mein tazaliil sahii hai lekin
hamane har daur ke chehare ko ziyaa bakhshii hai
hamane har daur mein mehanat ke sitam jhele hain
hamane har daur ke haathon ko hinaa bakhshii hai


lekin in talKh mubaahis se bhalaa kyaa haasil
log kahate hain to phir Thiik hii kahate hon ge
mere ehabaab ne tahaziib na siikhii hogii
mere maahaul mein insaan na rahate hon ge

Hum se yon na mila karo aey tanhayee
Shayad hai itni kurbat mein ruswayee

Tanha behta baatein kerta hoon
Tanha hoon magar saath hai tanhayee

Behta rehta hoon saath us ke batein kerte
Ke kabhi apni si lagti hai tanhayee

Hum se yon na mila karo aey tanhayee
Shayad hai itni kurbat mein ruswayee

Waqt guzerte maloom nahi hota
Batein kerte kerte sula deti hai tanhayee

Hansta rehta hoon saath us ke
Ke hanstii hai tanha dekh ker meri tanhayee

Kuch kehti nahi mere bare mein
Bina kahe kuch keh jaati hai meri tanhayee

Tanha behte baatein kerta hoon
Tanha hoon magar saath hai tanhayee

Hum se yon na mila karo aey tanhayee
Shayad hai itni kurbat mein ruswayee

Kabi kabi yad main ubharty hain naksh mazi mitty mitty say
wo azmaiysh e dil o nazr ki. wo kurbatain ci wo fasilay say

kabi kabi aarzoo k sahra main Aa k rukty hain kaifilay
wo sari batain lagaun ki ci wo sary unwan wisal kay say

Nigha o dil ko karar kasa nishat o gham main kami kaha ki
wo jab milay hian tu un say har bar ki hay ulfat nai siry say

bohat giran hay yae aish e tanha kahi subak tar kahi gawara
wo dard pinha ki sari dunia rafeeq thi jis k wasty say

tumain kaho rindo muhtasib main hay aj shab kon fark asa
yae Aa k baithy hian mahkaday main wo uth kay aye hain mahkaday say

Yeh Zindagi Bari Ajeeb See,
Kabhi Gulzaar See,kabhi Bezaar See..
Kabhi Khushi Hamaray Saath Saath,
Kabhi Ghamon Kee Bersaat See..
Kabhi Toofan Mein Bhi Hain Raastay,
Kabhi Manzilon Ka Pata Nahi...
Kabhi Do Kadam Pay Hai Zindagi,
Kabhi Sadyon Tak Intezaar See...
Kabhi Harr Pall Imtehaan Hai,
Kabhi Bin Maangay Inaam See..
Kabhi Kuch Nahi Kabhi Sab Kuch Hai,
Yeh Zindagi Bari Ajeeb See...

hum to jaisey yahaan key they hi nahin
dhoop they sayaban key they hi nahin

raastey karavan key sath rahey
marhaley karavan key they hi nahin

ab hamara makaan kis kaa hai
hum to apaney makaan key they hi nahin

in ko aandhi main hi bikharna tha
baal-o-par yahan key they hi nahin

us gali ney yeh sun ke saber kiya
janey waley yahan key they hi nahin

ho teri Khak-e-astan pey salaam
ham terey astan key they hi nahin

safar tanha nahi kartay
suno aisa nahi kartay

jisay shafaf rakhna ho
usay maila nahi kartay

Safar jis ka muqadar hai
Usay roka nahi kartay

jo dhun ho kar guzarnay ki
to phir socha nahi kartay

yeh oonchay paerr (tree) kesay hain
kahin saya nahi kartay

bohat ujray hoey ghar pay
bohat socha nahi kartay

jo mil k khud say khojaey
usay dhonda nahi kartay

chalo tum raaz ho apna
tumhain afsha nahi kartay

teri aankho ko parhtay hain
tujhay dekha nahi kartay

sahar say pooch lo mohsin
k hum soya nahi kartay

Hanste hue, aankhon main kyun aa jaate hain ye aansoo
Kyun khushi ko adhoora sa bana jaate hain ye aansoo

Dard itna hai saha, khaali ho gaya samandar ashkon ka
Jaane kahan se aankhon main bhar jaate hain ye aansoo

Khush hoon main, koi shikwa zamane se na taqdeer se
Meri iss baat ko jhoota kyun bana jaate hain ye aansoo

Shayad khabar hai in ko bhi kis qadar tanha hoon main
Tanhaayi main mera saath nibha jaate hain ye aansoo !!..